Kategori: Tur- og skiorientering

 

 

 

 

 

 

 

 

 

 

 

48 tøffe friluftsfolk fann vegen til Veddal då tur-orienteringa starta sesongen. 24 av desse var under 18 år, så ungdommen var ikkje i mindretal! 48 o-løparar er ny rekord !

Først var det sal av tur-konvoluttar, planlegging av kveldens tur – før det bar av garde. Alle fann fram både til o-postar og til ”Fleip eller Fakta”-oppgåver. Og desse vart ivrig diskuterte. Nokon prøvde og å spørja arrangørane om rett svar, men….

Så var det pølser og brus som premie. Og turfolk blir svoltne: 100 pølser, 60 pølsebrød og 10 flasker brus forsvann. Det einaste som var att, var litt sprøsteikt løk og litt sennep i botn av ein flaske!

No står det att å finna dei andre postane. Men vi har jo heile sommaren på oss. God tur!

Fleire bilde finn du i fotoalbumet.

Tid: Onsdag, den 2. juni, kl. 18.00

Stad: Veddal, ved Mosvatnet 

I morgon håpar me svinaktig mange mange stiller opp, og tek seg ein liten tur ved Veddal, på vegen inn til demninga ved mosvatnet.

Me lovar pølser i pølsebrød med tilbehør når du kjem inn tilbake. Pluss brus i krystallglas  – av papp eller plast..!

Ta med deg naboar, besteforeldre, tilfeldig forbipasserande og møt opp.

Nytt av året er ein kultur- og natursti lagt inn i tur-orienteringa. Samt oppgåver knytt opp mot naturen ved Mosvatnet.

 

Då håpar me du kjem, svolten som ein skrubb, og lysten på mange fine turar.

 

Vel møtt.

HelsingTur-O-gjengen – Bibbi og Egil

Også i 2010 har Suldal O-lag lagt ut turskiorienteringsposter. Kart som er nytta er gjort tilgjengeleg via vår heimeside. Karta ligg også oppkopiert på Gullingen Fjellstove. Me har nytta tjukt papir slik at kartet skal halde.

Om du hadde sendt bilder frå turen ville me blitt veldig glade.

God tur ønskjer me i Suldal O-lag

Gullingenkartet er scanna på A3. Ver merksam på at utskrift av pdf-dokumentet på A4 endrer da målestokken til 1:20000.

Klikk på karta nedanfor for å lasta ned karta (pdf).