Utruleg kjekt at så mange fann vegen til ny samlingsplass i Brakåsen terrenget, onsdag 11. mai. Vêret var noko regntungt, men under sjølve løpet, var det eigentleg lite vatn som kom ned, og temperaturen var god. Det er alltid kjekt for løypeleggjarane med god deltaking, og Øyvind og Jon hadde igjen laga til krevjande og spanande løyper i Brakåsen. På onsdagen var 33 deltkarar med. Men løypene heng no fast ute fram til påfølgjande søndag kl 17:00. Denne gongen auka deltakinga monaleg, og totalt var 41 små og store O-troll, samt 2 arrangørar med på dette første O-løpet i vår-sesongen 2022!
Kort løypa med størst deltaking! Det var spesielt gledeleg å sjå så mange unge deltakarar denne kvelden. Totalt blei det heile 12 unge O-troll som fullførte ei relativt krevjande kortløype på 1. karusellen. Ein kan finne brikketida si, men på offisielle resultater, er alle vinnarar i denne klassen. Alle får fullført, og 1000 poeng. Foreldra som ofte er med har, blir også registrert. Dei finn ein igjen i Trimklassen som talte 11 deltakarar.
OLYMPUS DIGITAL CAMERAOLYMPUS DIGITAL CAMERA
Mor og dotter duell i mellom-løypa Det er ofte god deltaking i denne løypa. Her finn ein både dei unge som har fått litt erfaring, og ein god del O-veteraner. Else Kristin hadde denne gongen god tru på at det skulle gå fort. Ho hadde nemleg fått tak i den «raske» O-blusen i raud farge. Og det haldt nesten, men igjen var Marte ein del raskare. Ho vann løypa eit drygt minutt før mora, med Marit Eikeland på 3. plass.
OLYMPUS DIGITAL CAMERAOLYMPUS DIGITAL CAMERA
Sekundstrid i langløypa Også i langløypa blei det god deltaking denne gongen. Totalt har heile 9 personer prøvd seg på dette løpet. Tom Steinar og Stig Morten har fleire gonger veksla om å vinne løypa i fjor, og det var igjen ganske jamnt mellom desse to. Til slutt vann Tom Steinar knepent for Stig Morten, med kun 11 sekunds margin.
OLYMPUS DIGITAL CAMERA
Få med deg 2. Sommar-Karusell på Mosåna ved kalkings-stasjonen Onsdag 18 mai møtast me ved kalkings-stasjonen ved Gjeskare-fossen i Mosliane. Flott terreng og flotte løyper venter.
