Nær 100 deltakarar på Sommar-K 2021!

Fantastisk! Denne sesongen har det igjen vore mange med på Sommar-karusellane. På listene har 101 små og store O-troll delteke på eit eller fleire O-løp. Det reelle talet er likevel noko lågare då fleire av løparane står oppført i ulike løyper. Men, det er likevel eit heilt fantastisk deltakar-tal denne sesongen!

Kort løype – med flest deltakarar!
I kort-løypa registrerast alle unge som har delteke, og her er alle vinnarar. Foreldre og vaksne som er med dei unge, blir registrert i trimklassen. Heile 32 barn og unge har delteke i kort-løypa ein eler fleire gonger. I tillegg er det 3 unge under 16 år som berre har delteke i mellom-løypa, så totalt er talet 35. Det er fantastisk, og alltid ein målsetting for Suldal O-lag.
Det er også samanlagt premie til alle barn og unge som har delteke på minst 3 av O-løpa. I år er det etter samanlagtlistene 11 barn og unge som skal ha premie. Premieutdeling skjer på medlemsmøtet på vidaregåande skulen på Sand, onsdag 10. november. Meir om dette kan du lese i ein seinare artikkel.

Her finn du no samanlagt lista for Sommar-karusellen 2021 i PDF:

Bildegalleri – Sommar-Karusellen 2021:

• 

• 

• 

• 

• 

• 

• 

• 

• 

• 

• 

• 

• 

• 

• 

• 

Og her kan du sjå lista over kort-løypa og trim-klassen:

Fleire unge med i mellom-løypa
Dette er også ein stor klasse, der totalt 25 deltakarar har sprunge eitt eller fleire løp. 15 av desse har 4 løpe eller meir, og Øyvind N. Fjellhaugen har delteke i alle 11 løpa.

Samanlagt vinnar av mellom-løypa i år blei Else Kristin Hilde Krogh. Men yngste dotter Marte Krogh var svært nære, og tok 2. plassen. Nr 3 i løypa samanlagt blei Øyvind N. Fjellhaugen.

Her er bilde av samanlagt lista for mellom løypa:

God deltaking også i Lang-løypa
Det er fleire av dei unge som av og til byter løype og fleire av dei har også prøvd seg i lang-løypa. Lang-løypa er og skal vere både lengre og meir krevjande O-teknisk, så då er det svært hardt å hevde seg i denne løypa. Samanlagt vinnaren er også i år Stig Morten nerheim, med heil 8 sigrar av dei 11 løpa. Men, Tom Steinar Nærheim på 2. plass er ikkje mange samanlagtpoeng bak, og han har 3 av sigrane. Nr 3 i løypa er Jan Erik Kristensen.

Her finn du resultaltista for lang-løypa:

Få med deg medlemsmøtet og Vinter-Karusellen
Onsdag 10. november inviterer O-laget til medlemsfest med premieutdeling, pizza/brus/kaffi, O-bingo og bildekavalkade. Møt fram i kantina på Sauda VGS, avdeling Sand, kl 17:30 Dette blir kjekt!

Veka etter, onsdag 17. november, kl 17:30, er det klart for det første av i alt 6 Vinter-karusell-løp. Me gjentek suksessen frå i fjor, der dette løpet har start og mål frå Speidar-hytta i Medhushaugen. Det blir eit regulært natt-løp i skogen, med postbukker og brikker.
Det er også råd å gå inn i speidar-hytta etterpå og ta seg litt mat.

Alle er hjarteleg velkomne på alle arrangement som Suldal O-lag har i vinter-sesongen.

Dett blir kjekt – møt fram 🙂

Her er lenkje til terminlista for vinter-sesongen 2021-22:

http://wp.suldal-o-lag.no/index.php/2021/11/07/terminlista-for-vinter-sesongen-2021-22-er-klar/