Me har litt problem med å få lagt ut online resultat på Eventor. Men her kan du sjå resultatlista i PDF-format
Resultat_KM_Mellomdistanse_21-juni_2015.pdf
Og her kan du no finne strekktider og online resultat for løpet: http://suldal-o-lag.no/resultat/2015/0621-augnastol/
Det blei ein strålande dag på årets KM Mellomdistanse for Rogaland, arrangert av Suldal O-lag. Samlingsplassen i nordenden av Markosvatnet, ga òg ei fin og intim ramme om arrangementet. Det er ikkje få dugnadstimar som er blitt lagt ned av medlemmane i laget vårt, men no kan me seie oss vel nøgde med godt arbeid.
Ein stor takk til alle som har vore med å hjupe til med O-løpet
Kjempegod påmelding
Styret i Suldal O-lag hadde sett som mål å få 150 deltakarar til dette KM’et. Og det blei meir! Med alle etteranmeldingane var heile 166 påmeldte til løpet. Og over 150 store og små O-løparar konkurrerte med seg sjølv og kvarandre i skogen denne søndags føremiddagen. Det er ekstra kjekt at det er så god påmelding i klassen N-open. Her var det heile 32 påmeldte og 29 som fullførte i fin stil. I denne klassen er alle vinnarar, og det er kan hende morgondagens kretsmeistrar me finn her. Elles var løypeleggjaren ei stund redd for å få for lite kart i H17 og D17. Men det heldt akkurat. I H17 var det 39 påmeldte og 35 som starta, medan dameklassen D17 var på rekordstore 21 løparar!!
Mange SOL-løparar med i kretsløp for første gong
Sjølv om me arrangerte KM, var det også mange som fekk springe. Suldal O-lag hadde totalt 14 påmeldte løparar, der 10 av desse var under 16 år. Det er svært gledeleg og lover godt for dei komande åra. Resultatmessig gjekk det også ganske bra.
I N-open var alle vinnarar; Lina Helen Eikeland, Ella Tjøstheim, Ingrid Helena Havrevoll, Rine Fermann Jordebrekk, og Sander Havrevoll fann alle postane greit og fekk velfortjent premie.
3 KM-medaljar og 1 siger i H70 for Suldal O-lag
Av dei 4 lokale som kunne ta medalje, fekk 3 av dei dette.
Jone Odden hadde gullet i sikte fram til 7. posten. Men her gjekk han på ein lei bom, og i mål vart han nr 2 i klassen. han tok dermed KM-sølv.
Ingjerd Hindenes hadde også ein bom på same posten, og blei nr. 3 og fekk brinsemadlje i D13-14.
I D15-16 prøvde Runa Odden seg for første gong i rein A-løype. Ho klarte seg godt, og hadde god kontroll på postane. Men også ho fekk ein bom mot slutten av løypa. I mål var ho godt nøgd likevel, og fekk ein flott bronse-medalje som ho skal gå med i heile sommar 
Jostein Hindenes hadde ikkje heilt dagen, men var ikkje langt bak medaljeplass. Åshild Hindenes deltok i sitt første KM i orientering, og blei nr. 2 i klassen D11-12. Ho var lievel ikkje heilt nøgd, sidan ho hadde bomma på ein post ute i løypa.
Me må òg nemne den unge og spreke småbarnsmora Marit Eikeland. Ho blei nr 2 i klassen B-open, og var beste kvinne i klassen.
Storeslem for Suldals-løparen Magnar Nerheim i KM-helga – KM-gull på Langdistansen i Sauda på lørdagen
Veteranen vår, Magnar Nerheim gjorde eit strålande løp på lørdagens KM-langdistanse. På denne distansen er det fleire KM-klassar enn på Mellomdistanse, så Magnar blei dermed kretsmeister i H70, berre 6 sekund føre nestemann i løypa denne dagen. På Markosvatnet gjorde han nok eit kjempe-løp og var suveren i klassen på Markosvatnet. Han var nesten 10 minutt før nestemann.
Ta også ein kikk på Fotoalbumet frå KM-Mellomdistanse 2015. Her ligg det over 100 bilder. Kanskje ett av deg?
Førehandsfavorittane innfridde i D og H 17 klassane -samt fleire bilder frå dagen -les meir
I dameklassen var det igjen medaljegrossisten og veteranen Aud Hognestad Taksdal som vann. Men no nærmar junior-jentene frå Sandnes IL seg. nr. 2 i klassen blei Vilde Malmei, og tett bak fulgte Helene Omdal på 3. plass
I H17 var det tett, og sigeren i løypa gjekk til den utflytta Rogalendingen og no NTNUI løparen, Simen Åmodt. Han var drygt 40 sekund føre KM-vinnar Ørjan Ravndal frå Ålgård Orientering. 3. plassen gjekk til ein eks Sauda-løpar; Glenn Tore Løland. Han var berre 25 sekund bak 2. plassen. Men også han spring no for NTNUI. Dermed gjekk sølvet til Ola Magnus Laugaland frå Ålgård O. Veteranen Arild Åsheim frå Ganddal IL tok bronsen, og vart nr 5 i klassen.
Under finn du bilder og tekst frå resultater og anna for KM Mellomdistanse
 |
 |
| Flott samlingsplass på KM Mello i Suldal ved Markosvatnet | Med badeplass ! |
 |
 |
| Første løper ut på KM Mellom. Ei Ålgård Orientering jente! | Suldals-løparane Ingrid Helena Havrevoll, Rine Fermann Jordebrekk og Sander Havrevoll tar ut i N-open på jakt etter 1. posten |
 |
 |
| Torill Telstad gir O-løparane frå Suldal O-lag gode råd før start! | Sånn gjer me det! Magnar teiknar og fortel om korleis starten skal foregå |
 |
 |
| O-veteranen Albert Nærheim frå Suldal O-lag var ikkje eldst denne gongen. Eldste løpar var over 80! | Åshild Hindenes klar på start for sitt første KM i orientering i D11-12. |
 |
|
| Ella Tjøstheim frå Suldal gjennomgår løypa, med mor Turi Ottersland Tjøstheim før start i sitt første KM | Frå samlingsplassen |
 |
 |
| Jone Odden i djup konsentrasjon og god fart mot 1.posten | Ingjerd Hindenes frå Suldal O-lag på veg mot mål |
 |
 |
|
Bading i småkaldt vatn høyrer sjølvsagt med etter O-løp!! Her er Jone og Jostein i aksjon. |
Runa Odden i lange kliv mot mål 🙂 |
 |
 |
| Ella er godt nøgd med løpet og premien! | Åshild Hindenes i klubbdrakta vår spring lett over myra til siste posten!! |
 |
 |
| Jone har funne siste posten!! | Medaljevinnarane i D13-14 Ingjerd Hindenes frå Suldal O-lag tok bronse 🙂 |
 |
|
| Medaljevinnarane i D15-16. Runa Odden frå Suldal O-lag tok bronse 🙂 | Medaljevinnarane i H13-14. Jone Odden frå Suldal O-lag tok sølvet 🙂 |
 |
 |
|
KM-medaljørane i D17. |
KM Medaljørane i H17. |