Orienteringslaget for heile Suldal
Året ski-Tur-Orientering er for lengst i gong, og det har nok dei fleste fått med seg på Facebook. Men no i desse spesielle tidene, kan ein likevel trygt ta seg turar i familien, eller med ein god ven på jakt etter desse postane.
Det er kanskje likevel ikkje så lett lengre å få tak i kart. Men her ligg kartet til deg. Det er berre å skrive det ut, finne fram turskia, og orientere deg mot alle dei 30 postane .
Hald fram med å lese «Tur-Ski-Orienteringa 2020»
Tradisjonen tro skipa Suldal O-lag til den tradisjonsrike Julemarsjen, 3. juledag. Med flott, tørt vintervêr var omlag 90 deltakarar med og fekk prøvd seg på postar og julequiz. Menge heldige traff også nissen på vegen. Dei fekk seg ein runde rundt juletreet bak kulturhuset med han.
Hald fram med å lese «Julemarsjen 2019»
Flott Kveld på 4. Vinter-O Karusell i går, den 4 desember
I tillegg til dei snautt 20 som var med på kvelden, var nesten heile Vinjar skule også ute på jakt etter postflagga på onsdagen og i dag:-) Totalt blei det dermed bortimot 100 deltakarar, igjen, på eit onsdags-gate-O-løp i november for O-laget. Fantastisk!
Onsdag den 27. november arrangerte Suldal O-lag den 3. Vinter-O-karusellen for vinter-sesongen 2019-20. Det var eit flott løpsvêr, med 6 grader, opphald og lite austavind. Denne gongen var det litt færre unge som deltok, medan det blei hard konkurranse igjen i mellom-løypa. Totalt var det 14 deltakarar med denne kvelden.
Hald fram med å lese «Supre Løyper frå Suldalshallen»
Onsdag den 20. november gjekk den andre, av totalt 6 Vinter-O-Karusell-løp, av stabelen. Og som vanleg var det mange med, som det er kvar gong Suldal O-lag har trenings-O-løp lengst nord-aust i kommunen. Totalt var det 18 store og små med i større eller mindre grad denne kvelden. Denne gongen var det 1/3 barn som deltok på sjølve løpet. I tillegg var heile Nesflaten skule ute i løypene både ein og 2 gonger kvar, så totalt sett deltok nesten 50 personer i O-løypa denne veka.
Hald fram med å lese «Knallbra O-løps kveld på Nesflaten»